Благословление от Чугдаары Хотун!

Күндү, «Кистэлэҥ күүс» эрэдээксийэтин үлэһиттэрэ – салайааччы Марыына, Саргылаана, Маайа!

Эһиги салайыыгытынан, түмсүүгүтүнэн Аар Айылҕа алтыһыытыгар уонна итэҕэл өттүгэр сүдү күүстээх, тэрээһиннээх үлэлэр бара тураллар.

Бүгүҥҥү күнтэн ыла эһиги айбыккыт, талбыккыт – барыта амтаннаах,
тэнийэр, үрдүк күүрүүлээх күүстээх, 
Аар Айылҕалыын алтыһар, 
Айылҕанан этиттэрэр үлэлэр буоллуннар. 

Үтүө үлэҕит үксээн, дэлэйэн, тэнийэн истин. 

Аан дойду таһымыгар тахсар көрүүлэри, көстүүлэри, үлэлэри ыытан иһиҥ. 

Аныгылыы сиэринэн, ситими тутуһан, хас биирдии киһиэхэ тиийэрин курдук сүдү улахан үлэлэргитин тарҕата туруҥ.

Олох тапталын, махталын, сүдү күүһүн тиэрдэ туруҥ диэн көрдөстөҕүм, эттэҕим, арчылаатаҕым, алгыстаатаҕым буоллун. 

Хас биирдиигитигэр харысхал бэлиэтин ыыттаҕым буоллун. 

Үтүө өттүтүн, үгүһү, кэрэни оҥордоҕум буоллун.
Дом! Чугдаара Хотун.